廣.樂.緣

Happy 2014! 歡迎各位瀏覽"廣.樂.緣"(We Talk Disney)

你好~ 我係"老鄉"(now sung)廣，大家通常叫我做Lawrance。
Hi 我係 M。

大家想問個BLOG究竟寫D咩嘢?
英文標題好清楚，就係We Talk Disney，即係講吓同迪士尼有關嘅事, 好似一D資料同埋我哋嘅收藏品。

點解個BLOG中文名叫"廣.樂.緣"?
話比大家知我哋係"講"關於"樂園", 即係迪士尼嘅嘢。

點解揀今日開BLOG?
因為1888年1月1日伊利亞斯迪士尼Elias Disney同弗羅拉考爾Flora Call在佛羅里達州結成夫婦, 無咗佢哋，我哋就唔會有機會認識迪士尼Disney呢個名詞。
 (以上對白係套用華特曾經講過"一切從一隻老鼠開始"嘅意念)

註：他們的第三子就是洛伊奧利弗迪士尼Roy Oliver Disney (生於24 June 1893)，第四子是華特伊利亞斯迪士尼Walter Elias Disney (生於5 December 1901)，兩人為華特迪士尼公司The Walt Disney Company創辦人。

言歸正傳，今日有咩好介紹?
2000年1月1日，迪士尼第三十八套經典動畫~ "幻想曲二千" Fantasia 2000以IMAX形式公映(香港地區同步上映) 影片同時獲得第二十八屆安妮獎五項提名其中三個獎項。

註：本片於1999年12月17日紐約放映優先場，2000年6月16日全面公開, 當年美國票房六千萬,排名43位,全球票房九千萬美元,排名51位。

全片以八部短篇動畫組成：包括命運交響曲Symphony NO. 5、羅馬之松Pines of Rome、藍色狂想曲Rhapsody in Blue、第二號鋼琴協奏曲Piano Concerto NO. 2, Allegro, Opus 102、動物嘉年華最終樂章Carnival of the Animals、魔法師徒弟The Sorcerer's Apprentice、威風凜凜進行曲Pomp & Circumstance與及火鳥組曲Firebird Suite 2

電影最特別的地方就係將1940年公映嘅"幻想曲"(Fantasia)其中一部份"魔法師徒弟"The Sorcerer's Apprentice重新再次收錄。 以下就係我嘅DVD同CD收藏品。

DVD & CD 

Plush doll

其實米奇呢個造型多次成為活動嘅代言人，比較熟悉嘅其中包括有1993年東京迪士尼樂園十週年，2000年迪士尼世界二十五週年，2008年香港迪士尼樂園五週年同埋2012年巴黎迪士尼樂園二十週年，當然唔少得2013年嘅D23 活動。

D23 expo，一個全球Disney fan都想去朝聖嘅大型迪士尼博覽會，由2009年9月首次舉辦，之後每2年舉辦一次，至今巳經是第3屆。日本更於2013年10月成為第一個於美國海外舉辦 D23 expo 嘅地方。

從首屆開始，D23 expo 就已經以魔法師學徒作為大會宣傳形象，相關資料場刊、紀念品及商品等等都幾乎用呢個形象做構圖。

 

至於香港迪士尼樂園開幕前後亦不時推出魔法師學徒精品，但要講到高峰時期，一定喺5周年！淨係睇上面張精選相就知道有幾誇張。

至於其他地方迪士尼度假區推出嘅相關精品更加喺無數咁多，由塑像、徽章、紀念幣等等... 涉及範圍實在太大。

即使唔計迪士尼樂園，一般市面商店亦係不停推出過無數咁多有關魔法師學徒米奇精品，就例如塑像，呢啲塑像有時更會配搭掃把一同出售，將幻想曲裡頭經典場面重現眼前。

呢一款喺香港2013年6月迪士尼《幻想曲》音樂會宣傳單張。

果然儲咗唔少喎，個人非常同意米奇多個造型之中，呢個算係最經典。雖然我唔係主力專攻呢款造型，不過亦有搜集過佢嘅郵票、電話咭、籃球咭、襟章、火車咭、貼紙、砌圖、書籍、影音產品、毛公仔、紙牌、麥克杯、碟、鎖匙扣、原子筆...，遲D一定會同大家分享......

What time?

儘快啦，希望唔駛等到《幻想曲》首映紀念日，(查實自己無咩時間搵出嚟影相~ sorry )